出年農曆年既新春之旅 ~ 北海道, 終於都訂好晒啦~ yeah
********************
機票... 晨咁早4月就入定貨啦 (痴線... 比去北歐仲早一個月買定)
-大韓... 本應係諗住搭呢間架, 貪佢凌晨機出發, 轉機上到北海道去都係中午, 3月幾果陣都係仲5千頭, 但係到4月中果陣就貴左千幾蚊, 要6千幾....., 感覺上唔抵, 咁唯有揀日本轉機啦
-ANA... 係最平, 5千蚊唔駛, 但唔知係咪太早既關係, 佢係東京轉上北海道果程話full左唔比我買, 咁又再check下另一間
-JAL... 5千幾蚊, 時間同ANA差唔多, 感覺上唔太抵, 跟住...係無心插柳之下, 居然比我發現....
-CX... 直航只係6千頭, 貴過JAL幾百蚊, 唔駛夜麻麻去到, 又要中午又走, 可以玩多幾個鐘, 又唔駛搭足成日機, 咁梗係拿拿淋入定貨啦.... 好彩真係早買定咋, 過左半個月再去八, 已經加左成千蚊啦
** 其實仲可以經台灣/大陸轉機架, 不過台灣轉好遲先出到價, 而大陸呢, 又要住一晚第二日先再轉機
