終於玩完返黎啦

玩左兩個星期， 終於今日返黎啦

本應玩完返黎會好忙咁洗衫， 執野…， 但係………

話說由布拉格去芬蘭既轉機時間有50分鐘， 但係走果陣布拉格大風雪， 所以delay左一個鐘先到芬蘭

係機上面仲有家人又係要趕轉機， 佢地好緊張咁問左個空姐3次， 最後話一到步就讓佢地即刻落機先， 我地班機仲早佢15分鐘開， 所以一落機就死跟佢地落機先啦， 好彩淨係過passport control就得，唔駛5分鐘就趕到轉機， 我地仲係last two上機添， 不過上年試過因為大風雪， 要等齊轉機既人等左兩個幾鐘呀。

到左香港， 諗俶去攞行李果陣… 佢print左張紙叫聯絡職員， oh my god……件行李轉唔切機呀……唯有寫底地址叫佢明天送返黎啦， 本應諗住今日可以settle好晒啲野架麻， 而家………… 唯有今日hea hea hea啦


~~~~ 更新下啲行李幾時到先~~~~

話說係機場問佢果陣, 佢話4個鐘頭內要送到, 咁3點幾機, 即係7點左右前會到啦, 我本身約左朋友團拜食dinner, 但咁既情況, 唯有cancel飯局留係屋企等行李啦~

到第二日, 六點左右都未有聲氣, 咁咪打個電話上去八囉, 佢話件行李寄左黎香港啦, 會安排送, 大約十點左右啦…. 吓….. 十點….. 早知出去食飯啦, 等我仲傻傻吓一心係屋企等添……. 真係X&*#(@*($&@#, 係咁無聊之下, 呢兩日比我出左幾篇blog囉.

到九點半, 有個職員打黎, 話十點半黎到喎, 唉…… 最後真係十點半先到囉, 足足遲左成31個鐘呀….

一收到行李就拿拿淋洗住兩機衫先, 仲有兩機未洗呀, 好彩唔係太多野, 唔駛半個鐘我一個人就執好晒啦~

唉唉唉….. 總算settle晒, 不過仲未得閒打去問下保險有冇得claim喎, 等我過兩日去八下先