今日首要行程好重要, 要去搞返掂架車, 先去舖頭問佢有冇key copy, 搞左一輪佢話冇....要揾人黎開鎖.... 我地比返開鎖費
Oh... 最後搞左成40分鐘, 用左200b終於搞左..... 二少仲問200b貴唔貴, 唔好玩啦, 呢個情況, 就算2000b你都要比架啦.....
搞掂就去揾早餐食啦, 見到圖有個Muang Mai Market門買果菜批發市場, 心諗應該有野食, 所以就去八卦啦, 點知乜都冇, 見到得涷肉舖同街市, 唉.... 唯有入舊城揾食啦
行行下見到呢到有幾間餐廳, 就去八下啦 ~ Tha Pae Road
見到呢間Phon-Non Cafe最平既早餐係60b, 唔揾啦, 就呢間啦~
有杯咖啡
多士同蛋, 咁既價錢都OK啦~
食飽就去舊城兜個圈
行行吓見到街市同生果檔, 拿拿淋叫二少停底比我八卦啦~
最後買左少少蝦米, 仲有買左啲生果返HK ~ 3個杧果, 1個火龍果, 1pack柚, 只係86b, 唔係呀, 好抵呀.......
跟住又要去食lunch啦 ~ 呢間 Huen Phen 係食泰北菜, 好多遊客黎食架, 價錢超抵呀~
(位於 Rachamankha Road 近 Samiarn Road)
我地12點黎到都成九成full
青木瓜沙律 ~ 可以叫少辣, 正
咖哩豬肉丸麵 ~ 都幾好食喎
燒排骨 ~ 正
冬蔭公
呢餐真係好抵食, 咁多野都係 250b, $60幾蚊港紙, 真係抵到爛呀!!
食飽就返去還車執行李啦, 還車果陣問下call taxi去機場要幾錢, 佢報大約要200b, 嘩.... 好貴喎, 我記得酒店入面間旅行社係150b, 梗係幫襯平既啦~
慢吞吞加少少塞車, 都係十幾分鐘就到機場
check-in完二少又話要去揾食喎~~ 去左國內線既泰航餐廳食野
呢柸橙汁要成89b, 嘩.....
濕炒河 ~ 120b, 仲要+10%, 仲貴過頭先lunch呀!
入到閘見到有ete既雪糕柸, 仲有最愛既薄荷朱古力, 點可以唔食呀, 不過一柸成89b, 唔平呀
上機要走啦~
今班機幾好, 我地一上齊人就開機, 足足早左20分鐘起飛~
回程飛機餐係made in hong kong, 都唔係泰國制囉.....
飛返黎又早左半個鐘, 成程夾埋早左成個鐘到香港, 正呀~~
成個trip唔計package都係洗左4千蚊左右, 比起曼谷, 消費呢到平少少, shopping就手工藝品多, 但係呢到真係可以hea, relax, 真係另一個唔錯既選擇..... 我會學Ada san咁講返句..... 我會再黎架.... 等我呀, 哈~~~
沒有留言:
張貼留言