出發gogogo~ 今日來回程都好爆人呀
搭左兩個鐘就到KV啦, 雖然知道係總站前一個站落車行入去會近啲, 但因為回程係巴士總站搭, 所以都係總站落車啦~
落左車, 過隧道, 再行大約幾分鐘就到啦~
嘩嘩嘩… 有少少藍天呀~
呢座Flower Garden前面既建築物唔記得係乜~
Dvojakovy Sady 德弗札克公園
周圍都見到呢啲靚靚既屋~
買返隻温泉柸先 ~ 第一檔比較貴少少但有啲款就比較靚, 第二檔就平啲, 仲有啲好普通既post card送添~
同二少一人買左隻細既, 夾埋 178K, 不過啲柸有啲係超薄, 如果買黎當用手信既話就要小心揀啦~
買左柸, 可以去飲温泉水啦
(不過買柸你都可以攞樽去入, 因為見到有個婆婆係攞住成2.5L既樽入温泉水, 我同二少講, 總之我地都攞個大大樽, 咁咪可以返去浸温泉囉, ha)
Sadova Kolonada 莎多瓦温泉迴廊
啲温泉水有乜味? 少少鹹咁囉~
行完第一個温泉迴廊就落大雪, 二少見到隔離有shopping mall, 拿拿淋入去行個圈避下喎~
不過商場冇野行囉~
避左陣雪, 跟住繼續行啦, 好彩好天返啦~
Lazne III 3號温泉療養所
Mlynska Kolonada 磨坊温泉迴廊
Market Kolonada 市場温泉迴廊
Vridelni Kolonada 瓦傑狄洛温泉迴廊 ~
點解見到到會噴泉既??? 行左個圈先知維修緊, 要4月左右先再開反呀…
另外如果想買單塊温泉餅, 可以係到買架, 佢呢到都有啲手信店, 價錢就…. 差少少, 不過幾蚊Kc, 唔駛揾啱既就買啦~
行左陣都肚餓啦, 所以去左揾食, 見到呢個公仔係門口坐左係到, 又有好多人行出黎喎, 一定唔差啦~
呢間叫 U Svejka ~ 原來旅遊書有介紹架, 同埋last day係市中心行, 見到有分店架~~~
叫左個清雞湯加左麵, 好清, 好有史雲生feel, 唔錯~
二少諗唔到食乜, 又叫左半隻鴨
我就叫左個傳統捷克拼盆 ~ 有腸, 豬肉同煙豬肉
一人叫左一柸飲品, 埋單 624Kc
昨日二少咪唔好蝕底攞左啲包走既, 拿拿拿…. 佢見到有好多白鴿, 所以攞左一件喂佢地, 咁又可以玩成十分鐘~
跟住行多分幾鐘就到Pupp Hotel 普普飯店
兜左個圈冇乜野睇, 所以行返轉頭
見都係兩點幾, 我訂左回程6點車, 所以我決定….. 去影晒所有既温泉No, 超無聊呢
二少話你頭先咪影完囉, 但係我只係影左幾個未影晒喎, 仲有大把時間, 你由我啦, haha~~~
影完就去買二少阿妹要既hand cream啦, 其實好唔好用? 咪又係hand cream囉, 不過 45Kc 一啲都唔貴, 當手信都OK啦
夾埋買左唔係好多野咋
~Hand Cream : 去藥房買45Kc.枝, 係Vridelni Kolonada 瓦傑狄洛温泉迴廊賣 50Kc (不過呢到有得試, 可以試左先再出去買)
藥房係邊, er….. 3號療養所隔離有棟建築物(有條樓梯仔行上去), 呢到就係, 其實我都唔知架, 不過見到有人出入, 所以去八卦下, 點知比我買到喎, 仲要平左少少添~
~温泉柸 : 除左我同二少一人一隻, 仲買左隻咋 150Kc
~温泉餅 : 其實一過左Vridelni Kolonada 瓦傑狄洛温泉迴廊就唔多覺有得賣, 但再向前行返出去就會見到好多舖頭, 我冇試食過, 見到 30Kc 一盒, 是但咁掃左3盒原味啦
買完行完都係4點左右咋, 仲有成個幾兩個鐘, 所以去左揾間cafe hea, 行左陣去左間望落去最靚既Restaurace Charleston 到 tea啦~
我就繼續果汁
二少要 Latte
仲叫左件 Tiramisu 添 (其實我見到餅櫃仲有chocolate brownie, 但係呢樣淨返last one喎, 應該唔會差啦) 味道都唔錯, 不過二少話甜左少少, 但佢都食左唔少囉…
去啲望落去咁靚既餐廳, 埋單都係187Kc, 嘩…. 仲要坐足成個幾鐘, 抵到爛啦, 哈………
食飽就行去巴士總站等車啦, 無聊行入去火車站影下相, 5點幾天開始黑啦
搭返車出 Floren, 我地諗住去食中菜(食左咁多西餐, 悶啦), 所以去左昨日食午餐對面既中餐廳~ 川王府 到食啦, 8點幾, 入到去一枱客都冇, 一家三口一人一部電腦係到上網, 真係好似危危地咁~
叫左粟米蟹肉湯
蒸餃子
炒大白菜 ~ 超大碟呀, 啲菜好甜好好味, 但就油左少少 (其實叫左佢少油架, 不過都係咁多囉, 同埋二少話佢應該係用豬油, 唔係點會咁好食喎)
二少早幾日先話點解呢到冇湯麵, 拿拿拿…. 呢到咪有囉, 超大碗牛腩湯河, 二少話幾好食, 食到清碗呀
仲叫左碟蝦仁炒飯 ~ 飯就油左少少, 但係好大碟頭, 我地兩個人真係食左大半碟咋
冇叫野飲, 埋單 403Kc
沒有留言:
張貼留言