2013.03 ~ 開倉 & 敗藍

嘩嘩嘩嘩….. 唔多掂, 2013年連續3個月都有敗到Le Creuset, 點搞呀~~~~

點解叫敗藍篇…… 答案係最尾啦, 哈~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第一次去 Le Creust 開倉~ 揀左第4日3:00左右去, 唔駛排隊, 好多煲, 但夠用唔買, 因為真係冇位擺啦~
至於啲花花心心碟， 粉紅粉藍碟， 影都見唔到， 唉。

本應想買Stoneware啲靚靚碟, 但得peach, 冇其它色, 算…….咁先有藉口下次再敗過架麻~~

不過又點會兩手fing fing咁走喎, 點都可以敗到到少少野既~ haha~



兩件都係平野, 夾埋都係買左5百幾蚊, 哈~~~ 我果然好夠冷靜呀~~

 

之前用既油壼個膠蓋爆左, 今次乘機可以買返個啦~ 二少見到都冇咋型, 呵~~~
(二少問我駛唔駛百幾蚊, 我答佢一百左右囉, 不過我既答案係一個價錢, 唔係佢心目中兩個既價錢, 哈~~~~ 係你冇問清楚, 唔係我呃你架)

仲有買左呢個谷友推介既24 cm Oval Au Gratin Dish $290真係好抵, 不過得返一隻, 慳返唔駛諗要乜色(好彩呢隻色我都冇, 暫時仲未撞色)

生鐡, 可以上火, 又可以入焗爐, 好似唔錯咁~ (但電磁爐唔啱用)

不過唔完美, 見入面冇事, 係邊邊位差啲, 咁平冇所謂啦, 粗用啫~

嘩, 剛剛打橫擺入焗爐仲有少少位, 真係好good fit呀~

 

又可以上火, 當煎pan咁用都唔錯丫~ 最緊要係可以擺入焗爐, 咁就唔怕冇位擺啦, 呵~~

 

打開個櫃望下啲煲, e…… 乜今年全部買晒藍色, 居然咁”橋”既~


好彩3個都唔同藍唔同款啫~ 咁係咪今年唔藍唔買呀? 哈~~~



唔知下個月又會敗啲乜返屋企呢?