今日係聖誕節呀! 聖誕快樂!
台灣啲早餐熱食係涷既, 真係唔太想食, 食碗粥就算
跟住影下民宿先~
門口就有巴士站
其實望出去乜都睇唔到
要係主楝行樓梯上去我地房
搞完又出發, 今日上合歡山, 勁大霧又落雨, 有啲路又窄, 司機又唔會讓路, 真係坐到好辛苦呀
今次目的地 武嶺
又落雨又涷, 影左兩幅相就閃啦, 落返山lu~
途經另一個中途點, 唔記得乜名啦
跟住去左老英格蘭到影吓相
呢到下面就係昨日去既盧山温泉啦
差唔多夠鐘食lunch, 順便係清境食埋先落山, 今次試呢間~ 雲南十八怪
好好彩, 有二人窗邊卡坐
望出去都冇乜野睇
由於唔太餓, 所以散叫~
豆腐腸
椒麻雞
食完上左去天台望吓, 但太大雨啦, 影兩幅相就閃
呢到仲有間情侶樹屋架, 唔知有冇人住既呢?
落山緊係順便係埔里行吓啦
埔里酒廠
冇乜野睇
行左個圈, 買左少少野就閃
酒蛋擺唔耐, 所以唔可以當手信
另外仲食左酒腸, 一般啦
跟住順路去埋紙教堂
NT100入場, 可當消費卷用
就係咁囉
紙呀拿~~~
唔駛幾分鐘影完, 去飲野唔好蝕
咖啡二少話唔好飲喎
跟住去廣興紙寮, 咁啱有小學生參觀同整紙拓
今日行程完畢, 去逢甲既 Kun Hotel check-in啦
普通房, 細左少少
廁所就大囉
但最正係有個露台, 唔錯, 我地仲掛左一排聖誕"襪"係到等運到添~
今晚聖誕夜食好啲, 一早上網訂左食麻辣火鍋~
不過台中啲交通好塞車呀, 十幾分鐘車程變左半個鐘有多, 真係塞到人都癲
叫左個鴛鴦鍋
開餐啦
中途不停有美女係到加湯加料, 但二少唔太like, 佢話佢唔係黎食豆腐同豬紅喎
食滿一千有一小時免費泊車
返酒店hea吓, 跟住落街行夜市啦, 係酒店攞份地圖就出發啦
e.... 原來酒店對面有微熱彩虹, 有微熱山丘菠蘿酥賣喎, 咁唔駛揾, last day黎買就得~
個夜市都好大, 行左好耐都未行完, 仲要唔知行左去邊, 最後要出動google map揾路返酒店呀
沒有留言:
張貼留言