14 新春.北海道雪際.自駕遊 @ Day 4 終於有雪際啦

Day 4   和商市場> 幣舞橋 > 道の駅阿寒丹頂の里 > 道の駅しらぬか恋問 > 天然モール温泉　ホテルパコ帯広　十勝の湯 > 六花亭 ~ 本店 > 元祖豚丼のぱんちょう > 彩凛華(さいりんか) > イオン帯広店 > MEGAドン・キホーテ西帯広店

 

今早繼續好天~

 

先行過對面釧路駅到八卦留下腳毛~

 

 

 

跟住就去好出名既 和商市場 到睇下有乜啱食啦~

 

 

呢到都幾大喎~

 

 

 

 

 

 

 

 

 

勝手丼其實得果幾間, 仲以為好多舖揀添..

 

 

 

 

由於我地唔餓, 所以食刺身就算~ 叫左細既海膽 1200yen, 兩片唔知乜魚, 一隻葡萄蝦 800yen, 仲有隻牡丹蝦 400yen, 呢到少少就成幾千yen啦~~

 

海膽 ~ 二少話都係第一晚果到最好食, 呢到我覺得OK既~

葡萄蝦 ~ 之前係日本睇電視話產量少, 又講到點好食, 所以見到都叫左隻試下, 咪又係蝦一隻囉, 冇特別..

 

 

仲去埋隔離個市場到八卦, 但係冇野睇既..

 

 

食完就去另一個地標 幣舞橋, 我地又係泊底架車去 Moo 對面既便利店, 然後行過去~

 

 

 

 

 

 

 

 

 

行完又去睇好出名既鶴啦, 我地泊底架車係 道の駅阿寒丹頂の里, 再行過去

 

 

 

 

 

先買飛, 跟住就去睇啦~

 

 

嘩..... 乜解究九成係外國人黎架, 個個都好pro, 大機大鏡好專業

 

 

 

 

 

 

 

影左陣二少叫走唔影啦, 反正都係見識下啫~ 上車向帶広出發, 途經 道の駅しらぬか恋問 拿拿淋食返個lunch先~

 

 

我既吉列蝦set, 好味~

 

 

二少既當店名物 ~ 豚丼, 仲有個天婦蘿蕎麥麵

 

 

食飽繼續出發, 未天黑就到酒店 ホテルパコ帯広

 

 

擺底野就出去行吓啦, 見到有屋台, 但唔吸引

 

 

點少得黎度呢... 六花亭 ~ 本店

 

 

呢到樓上仲有餐廳架, 不過我地dinner目標唔係呢到, 買左幾盒情人節版朱古力做手信就算~ 

 

 

見都係6點左右, 拿拿淋行去酒店隔離既 元祖豚丼のぱんちょう 食個晚餐先, 咁就唔駛明天走回頭路返黎排隊食~

 

 

 

 

我要左個松

 

 

二少叫左個梅 ~

 

 

味道都幾好食, 但唔夠上次係軽井沢花畑牧場果到咁正, 我都有search過花畑牧場架, 但係佢冬天得雪糕賣, 冇飯食, 所以冇Plan落行程啦~~

 

食飽就攞車去十勝が丘公園到睇 彩凛華(さいりんか)

 

 

呢個燈光 show 每隔幾分鐘就有一次, 都幾好睇架~

 

 

 

 

 

不過呢到係半山上面, 太涷啦, 影一陣就彊硬晒~

 

 

影完就又去 イオン帯広店 到行超市買生果啦~ 

 

 

又係大大粒

 

 

行完超市仲有時間, 梗係去埋 MEGAドン・キホーテ西帯広店 到八卦啦, 呢個激安勁大(唔記得影相), 由於個停車場23:00就close落閘, 所以我地只係行左一個鐘, 掃左少少野咋

*呢到平過係札幌個激安架~

 

返到酒店, 唔想天寒地涷咁出去揾野食, 所以落左樓下到食串~

 

 

叫左個set dinner, 因為包埋柸細beer, 價錢又平

 

  

 

另外仲叫左個貝 (帶子), 呢個好多汁好好食~

 

 

食飽就返去瞓覺啦~