Day 6 三角市場 > 白い恋人パーク > 札幌市中央卸売場外市場 > 三井アウトレットパーク 札幌北広島 > 東横イン札幌駅南口 > 焼肉徳寿
話咁快就玩到第6日, 今日要返札幌還車啦~ 一早起身, 落大堂食返個簡單早餐先~
食完就出去行多個圈啦~
行左個圈返到小樽運河, 嘩.... 乜啲團咁早呀, 九點幾就係到參觀...
夠鐘就走啦, 去埋上次冇去到既 三角市場 ~
呢到其實好細架咋, 不過好多海鮮賣~
嘩嘩嘩.... 本應想食蟹, 但一陣會去場外市場, 所以唔係到食啦 (咁就中左伏)
仲係到買左啲瑤柱返黎添~
見到有上次想食, 但冇食到既八角魚
(上次Ricky & Suki係間舖到拍野, 拍足一個鐘都唔走, 個PA仲要走黎叫我地唔好講野話影響收音..... 間舖今次去見到摺左Lu~)
上次食唔到, 今次食返.... 其實冇乜特別
食完就返去札幌啦, 第一站係 白い恋人パーク
呢到好大, 都幾靚~
仲有個舊玩具展覽~
居然有上次係網走見到既 天使魚 添呀~
要買滿 1000yen 先有 free parking, 所以係咁易要買啲野, 朱古力太甜啦, 所以買左餅干同蛋糕仔, 估唔到兩樣都幾好食喎, 真係有少少後悔買得少少添~
買完野就去食Lunch啦, 揀左上次冇黎既 札幌市中央卸売場外市場
好多舖頭, 但係有得坐底食既得好少囉
之前係三角市場唔食蟹真係有啲中左伏.... 因為呢到啲蟹係超大隻, 細既就一早整熟左, 唔係係到游水既, 即刻冇興趣買...
所以去返最出名果間黎食 Lunch
二少既魚生飯 ~ 都係果句.... 第一晚果間係最好
*講真..真係好行貨囉
我既燒帶子.刺身定食
*燒帶子唔錯, 刺身好行貨
仲叫左蟹腳
但味道麻麻
呢餐完全麻麻地, 仲諗住咁出名應該好掂, 完來係得個名
見到有夕張蜜瓜, 梗係要買黎食下啦, 勁甜呀~
食飽左就去shopping啦~ 三井アウトレットパーク 札幌北広島
呢個商場係室內, 都幾大幾多野行
有啲兩間舖, 冇理由唔去八架~
嘩... 真係好抵, 但買唔到咁多
最後只係買左少少咁啦~
跟住就返札幌還車啦~
去左酒店check-in之後, 就去百貨公司周圍行下shopping, 跟住想去食蟹架, 但係勁多人係到排隊, 所以我地去左對面10/F既 焼肉徳寿 食燒肉
呢碟唔係五花腩, 係豬軟骨黎架, 第一次燒, 但好爽脆幾好食架喎
呢間燒肉唔錯, 連二少都話好食
跟住去左7仔買左啲甜品就返酒店hea啦~
沒有留言:
張貼留言