Day 2 ノース・スノーランドイン千歳 > 道の駅 あしょろ銀河ホール21 > ホテル御前水 > 阿寒湖冬華美
一早有藍天, 拿拿淋出發去玩啦~
第一站去近近地既 ノース・スノーランドイン千歳 玩下雪上活動, 係咪好好天呢~
有雪上電單車, 香蕉船, 騎馬玩, 我地晨咁早就到, 去到得果小貓三四隻, 二少仲話冇人黎架.... 哈.....
黎呢到就係為左玩佢地啦~
要先比入場費500yen (唔玩可以唔駛比), 跟住玩乜就再比錢, 我地玩左綠色果隻雪上電單車1000yen有5個圈
5個圈唔係好多架咋, 個場唔大, 唔見到樹下面果條線, 就係咁大架咋, 架車又唔快, 開盡油門都係慢吞吞, 唔睇前面都唔會撞親囉~~~~ 完全唔好玩既, finland 正好多, 二少都有少少微言囉~
話說我地一玩完入返大堂, 就見到有旅行團到啦, 夾埋成3車人呀, 好彩早黎到, 唔係想玩都有排等呀~
玩完就出發去阿寒湖啦~
天氣唔多好咁喎
照計我地行高速IC, 會有PA, SA既中途站可以有店仔食下野賣下野, 但我地去東邊既呢條.... 除左有廁所以外, 係乜都冇囉, 有冇搞錯, 等我地除左飲品就乜都冇, 唉....... 失敗, 仲諗住可以停下食下野添...
行行下又好好天啦~
經過2個幾3個鐘, 終於到左呢個 道の駅 あしょろ銀河ホール21, 點解會黎呢到? 因為search過啲b log, 去阿寒湖係必經之路, 而且又叫做有少少野睇~
好肚餓, 拿拿淋食返個午餐先~
都唔錯喎, 我最鍾意個有味飯, 其它既都好好食~
呢到有個小小既火車站仔可以影下相, 二樓仲有個展覽廳, 當日見只比啲學生入, 唔知有乜睇呢?
食飽就繼續去阿寒啦, 本應想去途經既超市入定宵夜, 但原來過左呢區就冇囉~~~
經過多個幾鐘, 終於到今次住既 ホテル御前水 啦, 揀佢最主要係貪佢係和食唔係buffet, 而且個set可以有三選一, 揀我既至愛, 哈~~~~
唔知係咪好早訂房既關係呢, 今次全程住既房都幾高層下喎~
我地既湖景房~
*酒店本應話冇得上網, 點知係大堂收到wifi, 上到坐係近窗邊都有啲冇lock既wifi可以用, yeah, 可以上網唔怕悶啦~
搞掂就去行下啦, 先去湖邊到八卦, 不過天氣開始差啦~~~
左邊係我地間酒店, 右邊係鶴雅
太大風啦, 所以轉左去行後面既温泉街
好多木雕同手信店
有舖落雪既menu, 唔知點睇呢, 哈~
仲有幾個雪公仔添~
-13度, 呢度都幾涷吓~~~~
行行吓就到 アイヌ村啦
好多舖頭都係close~
太涷啦, 行左個圈就拿拿淋返酒店浸下温泉先~
今晚諗住早啲食, 食飽就去睇冬華美~
今餐主角.... 可以三揀一, 海膽, 毛蟹, 陶板牛, 我就梗係揀左毛蟹啦~ 唔錯, 好鮮甜~
而我幫二少揀左牛, 但係佢係成舊厚既扒, 用陶板就好似少少咁烚熟佢(睇到都唔想影相), 二少完全唔like, 仲問我仲乜唔幫佢揀蟹..... er.... 我點知會比咁厚架啫, 同埋叫蟹比你你只食少少, 即係要我食兩隻, Oh no, 咪要食成兩個鐘先食完餐飯, 而家一人一半咪好囉, 真係費事彩你囉~
食飽就換衫出去又行下啦~
多左好多團係到行街shopping~
行到8點就打算去湖邊睇冬華美 & 煙花啦, 但去到黑麻麻, 乜都冇, 見有車係到等我地咪又企係到等囉, 不過真係超大風, 吹到塊面紅晒, 等左成十分鐘都冇乜反應咁, 唯有返酒店問下啦, 點知話今日冇.... Oh.... 住阿寒就係為左佢, 居然冇....好失望.... 呃人既.... 官網又話2月1開始, 哼....
唯有返上房玩ipad, load相, 仲有食埋係道の駅買既花畑牧場芝士蛋糕, 不過好甜, 唔係我柸茶囉~
沒有留言:
張貼留言