今次都係揀左搭Finnair啦, 其實最平係俄航, 不過安全計既點都唔搭佢啦, 另外第二平既係土耳其航空, 第三先係Finnair, 其實仲有北京/上海轉機係中國航空公司架, 不過我冇諗過係大陸轉機, 所以冇揾到啦~
出發啦~
早餐有熱食, 好感動啦~ (諗起CX得涷既包, 呢餐叫做好好架啦, 哈)
淩晨5-6點就到左helsinki, 我好低能咁, 過完海關行行下走左出去, 哈… 搞到要再入多次去~
黎到呢到, 梗係要去再探下佢地啦~
啲位冇記錯既話, 同上年有少少唔同擺法, 另外隻姆明我同佢合照左, 所以唔post啦~
跟住要等10點幾先轉機去Budapest……
又係由天黑等到天光……
今次呢架係細機黎架, 2+2, 冇乜人搭, 2個幾鐘機, 都有餐食架(包加飲品)
話說攞完行李, 過海關, 唔知係咪我地最慢先行出去, 佢地可能太得閒啦, 所以啲職員就check我地passport啦, 仲係到問visa呢? 吓… 唔駛架喎, 佢好疑惑囉, 跟住又問我地行李有乜, 咪答佢有衫呀果啲囉, 佢又問有冇食物係入面, 冇喎, 好彩後尾佢都冇check行李就咁放我地走~
出關之後, 就首先去換錢先, 攞行李入面果到有得換, 但個rate係1:24X, search過話出左去便利店換個rate好少少, 咁就梗係出去先換啦, 順便可以買埋車票丫麻
出到便利店既rate係1:263, 換完錢順手買左車票, 因為係星期日既關係, post office唔開, 所以冇得買3 day pass, 所以焗住買張350Ft既票, 出到去Metro先再買啦~
(市區對換大約1:289)
(左邊係單程票, 中間係72 hour day pss, 右邊係去聖坦得H5線既車票)
出到去上左#200E 巴士, 搭左唔知幾多個站就到Metro :Kobannya-Kispest, 呢個站係中途站黎架, 不過有英文提示
落左車就向後行, 我地攞住兩件大行李, 梗係要揾電梯搭架啦, 向後行到最後就會見到有電梯, 一上到大堂就會見到有售票處~
係3個國家之中, 得Budapest Metro 一定有人棟係到 check 你票, 其它果啲係直行直過冇人理架~
呢到啲交通公具係最殘舊架…..
酒店門口都有巴士, 可以搭到去英雄廣場同温泉果邊架~
酒店check-in完就行去揾野食啦, 過左我地個metro站再向前行少少就大把餐廳
我地揀左呢間Oliva Etterem 係呢到食野真係唔貴, 一個Pizza, 一個魚柳加青瓜扮既意粉, 兩柸汽水都係 4,500Ft
食飽就繼續行啦, 原來對面就係Szent Istvan Bazilika 聖史蒂芬教堂
跟住我地繼續望住個地圖四圍咁行, 見到係擬似景點既地方就去八啦~
Erzsebet ter
最後行行下就出左多瑙河邊啦~ Lanchid 塞切尼鏈橋
不過天氣唔多好, 所以返左酒店hea陣, 順手睇下今晚食晚飯既餐廳~Kiskakukk點去啦
其實Budapest另一間Karpatia Restaurant比較出名, 不過我係blog到揾到有人介紹呢間Kiskakukk, 上網望過佢價錢比較平, 所以我地就去幫襯佢啦~
(交通 : Metro : Kossuth Lajos ter 轉 2號線電車, 總站落車過對面向前行)
呢間餐廳今年剛剛好係開左100年啦~
Grilled goose liver with baked apple rounds in Tokai sauce ~ 呢到鵝肝咁出名, 而且又抵食, 梗係要叫黎試下啦, 兩個人share剛剛好, 再食多啲就太漏啦
Goulash Soup ~ 黎到匈牙利, 冇理由唔試下個牛肉湯架~
我叫既雞肶
二少叫既 ~ Pan-Fried duck with crushed onion-potatoes and stewed cabbage, 一黎到, 真係”嘩”左聲, 因為成半隻鴨喎, 雖然冇香港果啲咁大隻, 但對我地兩個人黎講, 真係叫做好多呀…..
我地兩個人, 叫左個頭盤, 一個湯, 兩個主菜, 兩柸汽水, 埋單都係 9,600Ft, 3百幾蚊有鵝肝食喎, 抵啦, 哈~ 呢間真係值得推介呀
食飽就行左去河邊到影下夜景啦 ~
Margit hid
跟住搭返2號電車, 落車又影行去河邊再影~
Halaszbstya 漁夫堡 & Matyas templom 馬提亞斯教堂
Lanchid 塞切尼鏈橋 & Budavari palota 布達皇宮
天寒地涷, 影完返酒店啦~
沒有留言:
張貼留言