係CK住左兩晚悶爆二少, 今日終於轉去布拉格啦, 同二少講會係布拉格住4晚, 佢即刻….. 吓…… 咪又係悶….. 噢, 我諗住hea遊, 唔想咁趕, 但真係好似會hea左啲, 冇計喎, 都book左你繼續hea啦, 哈…..
今日訂左Student Agency 11:00車去布拉格, 昨日去完巴士站視察, 我同二少講, 慢慢行都成8-10分鐘, 我地要拖石仔路喎, 起碼預半個鐘以上啦, 點知二少話唔駛啦, 十分鐘就得…… 如果唔駛我拉行李就梗係冇問題啦~~~
食早餐果陣, 我問二少駛唔駛攞定個包上車食, 佢話唔駛喎, 點知臨食完, 佢自己攞左條包走囉~ 返房執埋啲野, 10:10左右二少就叫走啦, 車… 又話慢慢唔急~
拉石仔路都少少辛苦, 尤其上斜啦, 所以靠二少啦, 哈……
有二少既幫忙, 唔駛15分鐘就到巴士站啦, 巴士ticket寫左係4號月台, 所以就擺定行李霸頭位, 哈~
唔夠11點就有巴士黎啦~
巴士話有wifi, 未開車果陣就收到, 開左之後一啲都收唔到…… 巴士都係有廁所可以用~
另外會有咖啡, 茶同朱古力飲, 我頭尾搭左3程, 3樣都試晒, 咖啡冇糖唔係我柸茶, 茶呢… 好甜飲左兩啖就放棄, 唔掂, 朱古力就最好味~
搭左大約3個鐘就到Prague Metro : Andel 啦, 問左司機, 落左車向後行就係Metro站, oh… 冇電梯落架, 所以… 自動啦~
一落到去行幾步就會見到有個黃色賣飛窗口, 買左張3 day ticket 就入閘啦
記得攞張Metro Map呀, 因為佢除左有地鐡電車路線, 仲有埋景點提示(係邊個站落), 仲有啲旅遊書冇既景點, 真係幾好用架~
酒店settle down之後就去揾食啦, 去左 Metro 附近既 Restaurace U Jecmene到食個late lunch~
話說二少想食意粉, 咁我咪問佢要豬牛雞邊樣囉, 佢話要雞, 咁咪叫囉, 點知原來尾個兩個唔係意粉, 二少係咁話點解會咁解意粉呢……
er….. 我睇錯左唔記得話你知, 冇計, 你都要食架~
仲叫左個honey cake, 味都OK, 但甜左少少囉~
仲有柸果汁, 埋單308Kc
搞搞吓都成3點幾, 冇乜時間, 所以近近地去Dancing house, gogogo 食飯果陣研究左一陣個電車圖, 所以搭電車去啦~
估唔到呢到啲交通公具比起其它兩個國家新淨咁多喎, 基本上9成都係新車, 22號上城堡上既電車就全線舊車, 唔通要上山, 所以舊車夠力啲?
搭左幾個站就到 Dancing House 啦~
影相要避開啲電線, 就要馬路中間個安全島到影啦~
隔離河邊有好多船既餐廳同酒店架, 不過好似未開喎~
今日天氣麻麻~
見仲未天黑, 去多個景點, 見到係Metro map有個靚靚outlook既景點, 咁就搭電車去八下啦~
Krizik Fountain~ 其實都唔知係乜黎, 淨係知佢前面剛剛係做完展覽場, 所以遮住晒囉..
隔離啲建築都幾靚架~
行完天黑返酒店, 今晚既晚餐二少話去街口食白頭伯伯炸雞, 一個桶餐299Kc, 汽水可以添飲39Kc, 哈…. 真係第一次係外國食KFC囉~
沒有留言:
張貼留言